Ginpasakaan na sang kaso nga korapsyon sang Criminal Investigation and Detection Group (CIDG) ang lima ka mga barangay officials sang isa ka barangay sa ciudad sang Bacolod.
Suno sa CIDG ang ginpasakaan sang reklamo amo sanday Punong Barangay Ramon Jardin, Barangay Secretary Stephen Jalandoon, Purok Paho President Corazon Latoza kag Barangay. Liaison Officer Rosejean Eastador sang Brgy. Felisa.
Ginpahayag ni Police Chief Master Sgt. Ramiro Gocotano sang CIDG nga ang amo nga kaso nga ginpasaka sa Bacolod City Prosecutors Office ang may kaangtnan sa reklamo sang pito ka mga SAP beneficiaries.
Reklamo sang mga benipisyaryo nga sadtong Abril 22 matapos nabaton nila ang 6,000 pesos nga cash aid, ini sila ang ginpatawag pagka gab-I sang amo nga purok president nga sugo naman sang barangay secretary agud, allegedly, kuhaon ang 4,000 pesos.
Pahayag pa sang mga nag-reklamo nga nagpatawag sang meeting ang barangay secretary sa iya mismo balay kag didto nila nahibaluan nga may ihibalo ang punong barangay nga ipakuha ang 4,000 pesos nga wala sang balasehan.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
