General Santos City— Patay ang tulo ka tagret sa search warrant operation nga gipahigayon sa Lambayong Municipal Police Station ug Sultan Kudarat Provincial Police Office mahitungod sa droga, armas ug ekplosibo.
Giila ni Police Senior Superintendent James Gulmatico, Provincial Director sa Sultan Kudarat ang mga namatay nga silang Jaime Silungan, Yusop Mukalam nga kapitan sa Brgy. Tambak ug usa ka Randy Kamid nga kumander sa Moro Islamic Liberation Front kon MILF.
Samtang arestado ang usa ka Musaid Kandatu nga kapitan sa Barangay Pimbalayan human makuhaan ug eksplosibo, druga ug paraphernalia.
Dugang pamahayag ni Col. Gulmatico nga nakuha sa posisyon sa tulo nga namatay ang droga, armas ug eksplosibo.
Samtang dili niya mabutyag nga high value tagret ang kapitan nga si Mukalam kung droga ang hisgutan gumikan wala man kini sa watchlist sa munisipyo ug probinsya, apan kung basihan ang posisyon niini, makonsidera kining high value tagret.
Apan gibutyag niini nga suportado ni Kapitan Mukalam ang illegal nga atibidad sa droga sa iyahang barangay gumikan wala man kini nagahimo ug aksyon aron nga kini mabatukan.
Samtang ang kumander matud pa sa milf nga si kumander randy ang notado na sa brgy. Poblacion nga lambigit sa illegal nga aktibidad. Pag-angkon niya nga wala sa ilahang watchlist o target list si Kamid apan tungod sa taho sa kumyunidad ilaha kining gi-aplayan ug search warrant.
