Mayor Rivera, suportado ang imbestigasyon sa EJK sa GenSan

10

General Santos City— Suportado ni Gensan City Mayor Ronnel Rivera ang ginahimong imbestigasyon sa managlahing grupo kabahin sa sumala pa Extra Juducial Killings sa dakbayan gumikan sa milabay’ng mga bulan aduna matud pay mga panghitabo nga nakahatag ug dili maayong indikasyon.

Pagpaklaro niya nga sila sa lokal nga panggamhanan ang dili buot muhatag ug unsa mang ispekulasyon apan iyahang gi-angkon nga maka-alarma gyud ang kaso sa patay sa syudad.

Apan iyahang panghinaut nga dili una hukman ang han-ay sa kapulisan gumikan nagapadayon pa man ang ginahimong imbestigasyon. Dugang pamahayag ni Mayor Rivera nga nagapahigayon usab ug kaugalingong imbestigasyon ang lokal nga pangamhanan kabahin sa maong mga kaso.

Kung asa iyahang gipaklaro nga dili miyembro sa kapulisan ang ginatudlong responsable sa mga patay gumikan identify man ang mga motibo ug suspek. Kung kahubaluan matud pa, sagad sa mga biktima ang lambigit sa grupo sa mga batang sukarap o dili ba kaha lambigit sa illegal nga droga.

Facebook Comments