Malaybalay City, Bukidnon – Dayon na ang Brgy ug SK elections sa dakong bahin sa nasud karong Mayo 14 ning tuiga.
Kini human mahukmi sa Commission on Elections o Comelec nga ipadayon ang piliay partikular sa Mindanao bisan nga gipaubos sa martial law.
Sa interview sa RMN Malaybalay ngadto kang Comelec 10 Regional Director Atty. Reynato Magbutay gibutyag niini nga dayon na ang eleksyon ug wala nay plano si Pangulong Duterte ug ang Kongreso nga i-uktaba kini.
Una nang mihimo’g public hearing ang Comelec sa tulo ka lugar sa Mindanao apil sa Cagayan de Oro City aron paminawon ang habig sa mga nagkadaiyang sector ug kung adunay igo bang basehan sa paghinayon usab sa brgy ug SK elections.
Matud ni Magbutay nga nakadesisyon ang Comelec nga dili na kinahanglan nga ipostpone ang eleksyon human ang gihimong public hearing.
Mas maayo usab daw kini tungod kay adunay martial law sa Mindanao tungod kay hugot nga seguridad ang gipatuman sa kasundaluhan ug kapulisan gawas lamang sa Marawi City nga dili pa ‘stable’ ang seguridad tungod sa bahad sa mga terorista.
