Davao City – Dili kalikayan nga mobati’g tumang kabalaka ang mga residente sa Brgy. Talomo Proper, Talomo District, syudad Davao, human nag-una sa pinakadaghang natalang kaso sa COVID-19, diin gi-anunsiyo ni Davao City Mayor Inday Sara Duterte Carpio nga dunay 27 kini ka mga kaso.
Sa esklusibong interbiyu sa DXDC RMN Davao kang Brgy. Talomo Proper Kapitan Bindor Calamba, iyang gimandoan ang mga purok leaders ug mga barangay tanod ang mas estriktong pagbantay sa mga residente ug pagkontrol sa mogawas ug mosulod sa ilang barangay.
Base sa gimuntar nga check point, ginasusi usab ang Food and Medicine pass (FM Pass) ug kung wala, dili kini pagawson ug papaulion sa ilang balay.
Dugang ni Kapitan Calamba nga sa iyang Barangay, adunay 127 ka PUM (person under monitoring) ug 14 ka PUI (person under investigation) ug usa ang covid-19 positive.
Subling gipahinumduman ni Kapitan Calamba ang tanang katawhan sa iyang barangay sa pagtuman sa mga guidelines ilawom sa Enhanced Community Quarantine (ECQ).
RadyoMaN Don Pulayao
