Davao City – Sikop ang usa ka Brgy. Tanod sa gilusad nga drug buy bust operation sa Philippine Drug Enforcement Agency (PDEA) 11 sa pagpanguna ni PDEA XI Regional Director Antonio Rivera nahitabo bandang alas 4 sa hapon, adlawng Lunes.
Giila sa PDEA ang tanod nga usa ka Aries Maintang alyas Jayson, 42anyos, nagpuyo sa may Purok 11, Brgy. Sto. Niño, Tugbok District ning siyudad sa Davao human kining napalitan ug dul-an usa ka gatos ka libo nga iligal nga droga.
Nadakpan ang suspek human nabitik sa pagpalit niini og kantidad 25,000 pesos bugti sa shabu ug didto na kini gi-aresto.
Mokantidad 65,000 ka pesos ang shabu nga narekober gikan sa suspek.
Samtang hingpit nga gi-disqualify si Maintang sa tanang pampublikong opisina dinhi sa Siyudad sa Davao gumikan sa iligal nga binuhatan.
RadyoMaN Paul Canono
