*General Santos City— Nagpabilin pa sa kampo crame ang tulo ka mga pulis nga nalakip sa pinaka-uwaheng listahan nga gipagawas sa kapulisan mga lambigit sa illegal nga droga.*
*Sumala kang Police Brig. Gen. Alfred Corpus, Regional Director sa Police Regional Office 12 nga sa karon, adunay prosesong gina-again ang mga nahisgutan aron nga mahinluan ang ilahang pangalan.*
*Nagdumili man usab kini sa pagbutyag una sa publiko ang tulo ka mga pulis hangtud nga dili pa mahimong pinal ang maong listahan.*
*Paniguro niya nga dili niya i-tolerate ang kinsa mang pulis sa rehiyon 12 nga maglambigit sa illegal nga droga. Dugang pamahayag Brig. Corpus nga dili na niya kinahanglang manawagan ug magpahimangno pa sa kapulisan nga dili maghilambigit sa illegal nga droga.*
*Kini gumikan isip mga miyembro sa kapulisan, nasayud na silang daan nga responsibilidad nila ang dili mag-apil-apil sa mga aktibidad. Higayon matud pa nga masayran ug mapamatud-an nga sila lambigit, gipaniguro ni Gen. Corpus nga sila manubag gyud sa balaud.*
