Brutal matansa

37

Ya escapa el un trabajador del un tienda na Sitio Mina na Curuan despues este brutalmente ya mata con un dalaguita del Domingo denoche.
Si Benet Dela Cruz Garcia, 18, ta trabaja na tienda di Efren Molina ya empesa tahya-que-tahya con Margie Dagalea Santiago, 18, nuevo graduao na grade 12, del mismo siempre lugar.
Asegun na report del pulis, pasada alas 6 del noche ya anda si Santiago na tienda di Molina para compra electronic load y cuando paboilbida ya este, ya segue atras conele si Garcia quien aquel tiempo llevando un panabit.
Del llegar na un lubrigo lugar, derepente ya lang ya tahya-que-tahya si Garcia con Santiago.
Asegun con el pamilya di Santiago, ya puede pa este llega na diila casa y ta pidi aucilio.
Ya hace encuentro conele el su maga hermano mayor y ya abrasa conele preguntando quien conele yah ace iri.
Antede de perde aliento si Santiago, ya puede pa este menciona el nombre di Garcia.
Con el dalaguita ya lleva pa na hospital pero ya despidi siempre este por el fatal irida.
Si Garcia ya escapa y ya esconde na monte del Mina, Curuan mientras el maga pulis ta hace ya el embuscada conele.

Facebook Comments