Davao City – Gipaklaro sa Bangko Sentral ng Pilipinas-Davao nga wala silay nadawat nga reklamo gikan sa mga bangko labot sa pagkahurot og kwarta gumikan sa mi-ulbong investment schemes sa rehiyon.
Sumala ni BSP-Davao Regional Director Roger Joseph Del Rosario, dali nilang mamonitor ang susama niini nga lihok ilabi na kung kadudahan ang transaksyon sa usa ka depositor.
Gani ila kining ireport gilayon sa Anti-Money Laundering Council (AMLA) aron maimbestigahan.
“Kaya ito yung minomonitor natin and I think this is one also of the concern of the Task Force. Tinitingnan natin na kung ang public mag-iinvest sa mga investment schemes at least legal. Kasi pag legal yan papasok sa bangko yan, legal din yan, ngayon pag iligal yan hindi din namin masasabi kung saan dinadala,” saysay niini.
Gawas niini, panahon nga magkulang og kwarta ang usa ka bangko mamahimo niining mangayo og asistensiya sa ubang bangko o cash centers alang sa cash assistance.
Kahinumdoman nga niadtong Mayo 31, 2019 pormal nga gimugna ang Inter-Agency Task Force batok sa mga malimbungon nga Financial Investment Schemes nga naga operate sa Davao region diin kini pangulohan sa Securities and Exchange Commission (SEC).
RadyoMaN Jason Amisola
