BACOLOD CITY – Ginturn-over na sang barangay paagi kay Kap. Jerry Tingson sa nagakaigo nga ahensya ang isa ka buaya nga gindakop sang mga construction workers las 3 kaina sang kaagahon sa Villa Estefania Subdivision 2, Barangay Estefania.
Natingala na gid lamang ang grupo ni Wilfredo dela Cruz nga matunog ang taghol sang ido sa ila ugsaran kag sang ila ginlantaw, isa ini ka buaya.
Ila ini gindakop paagi sa pagsiod kag sang kaagahon na, ila ginturn-over sa Barangay Hall.
Sang ginsukol, nagalaba ini sang mga anum ka tapak.
Duda sang mga ini nga may tag-iya ang amu nga buaya kag posibli nga nakabuhi.
Ang Villa Estefania Subdivision ang mataas nga lugar, apang sa unahan may mga portion nga manubo sa diin ginaagyan naman sang tubi kon tig-ululan. / Dudz Samillano photo via The Visayan DailyStar
