Maga pulis del City Police Intelligence Section ya encabesa si Supt. Edilberto Alvarez ya grevata maga bucug de gente na Sitio Nangkal, Baluno enantes tarde.
Asegun con Alvarez ya puede sila obtene informacion desde con un informante quien ya habla canila cai tiene conquien ya entera na mencionao lugar un anio ya el ya pasa.
Na su limitao detalye, si Alvarez ya habla que tiene ya nombre el victima hasta el maga suspechao pero nohay pa este querre publica mientras ta conduci pa sila el que se llama follow-up operation para el possible aresto del maga hechor.
Asegun na informacion ya recivi el RMN Zamboanga el maga suspechao un grupo de sindicato de droga.
Tiene que hace na droga el matansa del victima di quien cadaver ya entera na mencionao lugar.
