Mamahimo nang maka biyahe ang mga taxi ubos sa Bugo Taxi Operators and Drivers Inc. kon BUTODI.
Kini human gi turn over na sa Land Transportation Franchising and Regulatory Board kon LTFRB region 10 sa pagpanguna ni Director Aminoden Guro ang ilang Provisional Authority niadtong milabayng semana.
Kini human mipa ubos sa memorandum circular sa LTFRB ang BOTODI, kinsa nag mando nga dili na mahimong mudawat og individual application ang maong buhatan sa tibuok nasud alayon na sa PUV modernization Program.
Nasayran nga ang BOTODI, adunay 60 ka mga unit sa taxi.
Alang niadtong mga interesadong kooperatiba o kapunungan, kinahanglan lang nga magparehistro sa Security and Exchange Commission kon SEC kinsa kinahanglan nga adunay by-laws nga langkoban usab sa mga board members.
Matud ni Dir. Guro nga pinaagi sa gipatumang memorandum circular sa LTFRB, malikayan na ang graft and corruption gumikan kay masayran na kung pila ang filling fee ug admin fee niini.
Kini nga lakang, usa mga gipatuman alayon sa commitment sa LTFRB nga wagtangon na ang fixing sulod sa maong buhatan.
