Buhatan sa Cokaliong Shipping Lines sa Punta Bilang-Bilang , Brgy. Taft Surigao City taglungkab
Moabot sa P280,000 nadaya sa mga kawatan. Tagtuohan na kagabii taghimo an krimen ug kuman buntag pa nadiskubre. Nakasuyod an mga kawatan pinaagi sa pagguba sa padlock na taggamitan pa nan bar cutter. Lakip na tagkuha an cctv storage memory.
Sumaya pa ni Isias Visere, an manager nan Cokaliong office, an ila na clerk na si Ivy Mae Sierra an naka-diskubre kuman buntag sa panghitabo sa pagsuyod niini sa trabaho, An mga suspek an matud pa, tag-utod an duha ka lock holder ug midiretso sa ila ticketing office, lakip na tagguba, tag-abrihan dajon an main door lakip an mga cabinet lockers na miresulta sa pagkawaya nan amo na kantidad.
Sa pagkakuman, nagpadajon pa an imbestigasyon nan PNP Theft and Robbery Unit sa amo na panghitabo.
