Roxas City, Capiz – Patay ang duha ka sakay sang motorsiklo matapos nga nagbunggo sa kasugata nga Toyota Fortuner sa national highway sang Brgy. Bolo, Roxas City mga alas 6:45 kagab-i.
Ginkilala ang mga biktima nga sanday Mike Ron Creer y Diaz 26-anyos sang Sitio Nasagud Brgy. Lanot, syudad sang Roxas samtang ginbawian man sang kabuhi samtang ginabulong sa ospital ang backrider sini nga si Gilbert Nicolas y Depon.
Nag-angkon sang mga patal nga pilas sa sa lawas ang mga biktima bangud sang mabaskog nga impacy sang pagkabunggo. Yara na nakahunong sa lock up cell sang Roxas City PNP ang driver sang salakyan nga si Jayson Yu Mamaril y Villareal, 22-anyos sang Brgy. Tanque, Roxas City.
Base sa inisyal nga imbestigasyon sang traffic section sang Roxas City PNP, nag-overtake ang mga biktima sa kasunod nga salakyan. Wala matalupangdan sang mga ini ang kasugata nga Fortuner rasun nga wala makontrol ang manibela kag bumunggo ang motorsiklo nga ginasakyan sang mga biktima.
*Photo Credit: Mr. Ronie Reteracion *
