Mukabat na sa 12 ka mga satellite campuses sa Bukidnon State University kon BUKSU sa probinsya sa Bukidnon.
Atol sa Bukidnon Anti-Poverty Summit 2019, gibutyag ni Senate Majority Floor Leader Senador Juan Miguel Zubiri nga maong mga tulunghan nagtanyag ug mga kursong Bachelor of Science in Public Administration, Bachelor of Science in Administration Major in Financial Management.
Ang maong mga BUKSU satellite campuses anaa nahimutang sa lungsod sa Libona, Baungon, Talakag, Malitbog, Kadingilan ug Kalilangan, Cabanglasan, San Fernando, Quezon, Damulog, Kitaotao ug Impasug-ong.
Matud ni Zubiri nga sa unang semester sa School Year 2019-2020 kapin kon kulang sa 4,000 ka mga bag-ong estudyante ang nagtungha sa maong mga satellite campus.
Nasayran nga sa tuig 2017 hangtod 2019 adunay kinatibuk-ang pondo nga gigahin sa gobyerno nga muabot sa 201.3 milyon pesos alang sa capital outlay, maintenance and other operating expenses kon MOOE ug building cost.
Samtang alang sa 2020, adunay pondo kining gigahin nga 320.4 milyon pesos.
