Gisiguro sa Department of Science and Technology kon DOST-Bukidnon padayon ang mga programa sa pagtabang ngadto sa mga small and medium enterprise sa probinsya.
Sa interview sa RMN ngadto kang Provincial Science and Technology Director Virgilio Fuertes gibutyag niini nga usa sa ilang pokus nga programa ilawom sa Duterte Administration mao ang paghatag ug assistance ngadto sa mga gagmay nga mga negosyante para mulambo ang ilang mga produkto ug makadungan sa uban pang produkto sa kamerkaduhan sa local ug ASEAN market.
Sigun ni Fuertes nga ang kakumpitensiya karon sa atong mga produkto sa kamerkaduhan ang mga produkto gikan sa mga nasud nga sakop sa ASEAN tungod sa gitawag nga ASEAN integration.
Matud ni Fuertes nga gihingusgan nila kini karon gani pa gidugangan ang budget alang niini.
Gipasigarbo usab ninii nga sa tibook rehiyon, sa Bukidnon ang adunay pinakadaghan gagmay nga negosyante ang natabangan ilawom sa mao nga programa.
