Dugay na matud pang naka-alerto ang Bukidnon Provincial Police Office kon BPPO batok sa unsa mang hulga sa terorismo sa probinsya.
Sa interview sa RMN Malaybalay ngadto kang PSupt. Arce Yam-oc ang hepe sa Bukidnon – PNP Planning and Operations gibutyag niini nga dugay na matud pang gihimo ang lakang sa kapulisan aron mabatukan ang hulga sa terorismo.
Gihimo ni Yam-oc ang pamahayag human subli naigo sa pagpamomba ang usa ka mall diin duha ka tawo ang namatay samtang daghan ang samaron didto sa Cotabato City niadtong Lunes sa hapon.
Gi-ingon niini nga bisan wala pa nahitabo ang pagpamomba, daan nang naka-taas ang alerto sa probinsya.
Pamatood matud pa niini ang walay natalang insidente sa pagpamomba sa probinsya sa mga tuig 2017 ug sa 2018.
Sigun ni Yam-oc nga nagpatuman sila sa 24/7 checkpoint ug border checkpoint sa mga lungsod nga boundary sa ubang rehiyon.
Gihangyo usab niini ang publiko nga kanunay ang paghatag kooperasyon sa security measures aron dili malutsan sa mga terorista.
