Malaybalay City, Bukidnon – Gideklara sa Sangguniang Panlalawigan ang probinsya sa Bukidnon isip ubos sa state of calamity tungod sa bagyong Vinta.
Nasayran nga nagbilin ug dakong damyos ang bagyong Vinta human nga miigo kini kaniadtong katapusang semana sa Disyembre 2017.
Sa interview sa RMN Malaybalay ngadto kang Provincial Director Israel Johan Damasco Jr. sa Provincial Disaster Risk Reduction and Management Council kon PDRRMC-Bukidnon, gibutyag niini nga na-aprubahan sa SP kaniadtong Martes, Enero 16, 2017 ang rekomendasyon sa PDRRMC nga gipangunahan ni Governor Jose Maria R. Zubiri Jr. nga iproklamang state of calamity ang lalawigan tungod sa damyos sa bagyong Vinta.
Matud ni Damasco nga ang total damage nga natala sa bagyo miabot ug 203, 754, 380 nga gilangkuban sa imprastraktura, 85 million; agrikultura, 109 million kapin ug mga gambalay 9 milyon kapin ang nadamyos.
Sigun niini nga sa 22 ka LGU’s 13 ang naka-angkon ug dakong damyos tungod sa tropical storm Vinta.
Apil matud pa sa LGU ang grabeng apektado mao ang Valencia City, mga lungsod sa Baungon, Kibawe, Kitaotao, Quezon, San Fernando, Talakag, Libona ug uban pa.
Sa karon gipa-abot pa sa PDRRMC ang kopya sa resolusyon sa Sanguniang Panlalawigan nga magdeklara sa state of calamity sa probinsya.
