Malaybalay City, Bukidnon – Hingpit nang nahimong usa ka bagyo ang gibantayan nga usa ka Low Pressure Area kon LPA.
Sigun sa Pagasa nga nahimo nang usa ka Tropical Depression (TD) ang LPA nga katapusang nasiplatan ang mata sa bagyo kaganehang alas 4 sa hapon sa gilay-on nga 175 km sa Sidlakan, Amihanang Sidlakan sa Hinatuan,Surigao del Sur.
Gihinganlan kini ug TD Agaton nga maoy pinaka-unang bagyo nga nisulod sa Philippine Area of Responsibility ning tuig 2018.
Tungod niini, pipila ka lugar sa Mindanao ang gipailawom na karon ubos sa Tropical Cyclone Warning Signal TCWS#1 apil na niini ang probinsya sa Bukidnon.
Laumang mag-landfall ang bagyo sa Caraga area karong gabie o kaha ugma sa buntag.
Alayon niini, nagpahimangno ang buhatan sa PAGASA ngadto sa publiko nga mahimong alerto ug magmaigmat kanunay sa posibleng epekto sa mao nga bagyo.
Amping ta kanunay mga Kasama.
