Nag-una ang Bukidnon sa tibuok Northern Mindanao sa Maternal deaths o pinakadaghan nga inahan nga namatay tungod sa pagburos o pagpanganak.
Matud ni Commission on Population o POPCOM Regional Director Jeremias Gupit nga kini base sa survey nga gihimo sa tuig 2014-2015.
Ikaduha ang Cagayan de Oro, ikatulo ang Iligan City, ika-upat ang Misamis Orental, ikalima ang Misamis Occidental, ika-unom ang Lanao del Norte ug ika pito ang lalawigan sa Camiguin.
Gidugang ni Gupit nga lakip sa mga hinungdan sa maternal death ang kadugay sa pagpangayo og panabang tungod sa kadaghan na sa mga anak, wala makahibalo sa peligro ug uban pa.
Ulahi na nga nakaabot sa hospital tungod sa kalayo sa lugar or kulang sa transportasyon ug dugay nga naatiman tungod sa kakulang sa personnel, equipment, tambal ug uban pa.
Samtang gibutyag usab ni Director Gupit nga dies anyos ang pinakabata nga naburos sa Region 10 ug kini naa gihapon sa Bukidnon.
By: Kasamang Annaliza Amontos-Reyes
