Niresulta sa pagkasikop sa 40 kapin ka mga indibidwal ang gipahigayong Simultaneous Anti Criminality Law Enforcement Operation (SACLEO) sa Bukidnon-PNP.
Ang usa ka adlaw nga simultaneous operations giihimo niadtong Biyernes, Hunyo 25 pinaagi sa 20 ka mga Municipal Police Stations, 2 City Police Stations ug usa ka tracker team nga nakasikop ug 39 ka wanted persons nga gilangkuban sa 13 sa Most Wanted Persons ug 22 ka ubang Wanted Persons sa Bukidnon.
Samtang 3 ang nadakpan human gi-implementar ang Search Warrant tungod sa kasupakan sa RA 9165 ug usa ang nadakpan tungod sa Violation of RA 10591.
Sa interview sa RMN DXMB Malaybalay ngadto kang PNP 10 Regional Spokesperson Police Lt. Col. Michelle Olaivar gibutyag niini nga niadtong Biyernes usab 12 ka mga miyembro sa NPA ang boluntaryong nitahan ngadto sa 1st BUK PMFC (lead unit) dala ang 3 ka mga nagkadaiyang klase sa armas.
Samtang sa pikas bahin, nagpadayon usab ang gihimo nga imbestigasyon sa kapulisan kalabot na sa nahitabong pagpanunog sa usa ka backhoe nga iyang sa Venray Corporation, Inc. didto sa Sitio Nursery, Bonacao lungsod sa San Fernando niadtong Huwebes.
