General Santos City—Wala nay natalang insidenti sa pagpamunal og tawo nga hinimuan matud pa sa pipila ka mga wala mailhing mga tawo sa may Barangay Fatima General Santos City.
Kini ang gikumperma ni Fatima Barangay Kagawad Renante Curit nga mao usab ang Committee Chairperson sa Peace and Order sa maong Barangay.
Kahibaluan nga sa mga nanglabayng bulan sunod sunod ang report nga adunay nabunalan nga mga kabatan-onan nga makit-ang naglatagaw sad is oras sa kagabhion.
Sa nahagpat nga report sa RMN Gensan kaniadto nga ang grupong Bunal Gang ang maoy tubag sa nagka grabing kaso nga gikalambigitan sa mga batang gibansagang mga SUKARAP o Children in conflict with Law labi na sa boundary sa Barangay Fatima, Calumpang, Apopong, Labangal og Sinawal nga sagad mag rambolan o mag riot.
Samtang pipil na usab ka mga kaso sa pagpanunggab og pagpamusil ang may kalambigtan ang mga menor de edad og ang pagdagsa sa mga kabatan-onan sad is oras sa kagabhion nga nakahatag og problima sa mga residente.
Apan misaligan karon si Kagawad Curit nga paspas ang ilahang koordinasyon ngadto sa Tambler og Fatima PNP sa pagresponde sa unsa mang mga kagubot nga mugna sa mga menor de edad.
Gani mismo ang kapulisan ang maglisod sa pag ila sa mga grupo nga gibansagang Bunal Gang nga gagamit og mga uway, og latigo sa pagbunal sa mga kabatan-onan sa maabtan og kadlawon sa kalsada. (Emir Bariguit)
