General Santos City—Naghinay hinay na matud pa og ikyas sa pipila ka mga lugar sa Region 12 ang mga drug syndicates tungod sa walay puas nga anti-drug operations sa PDEA, PNP og AFP.
Kini ang gikumperma ni PDEA Region 12 director Gil Cesario Castro sa pakighinabi sa RMN Gensan. Matud pa niini nga subay sa ilahang nakalap nga mga intelligence reports kung asa nalisdan na matud pa ang drug groups sa region 12.
Dugang pa sa maong opisyal nga halos wala nay mapalit nga mga shabu og kung duna may sobra kini ka mahal ang presyo sa shabu.
Gibasihan karon sa labaw sa PDEA 12 ang maong pamahayag subay na usab sa mga pamahayag sa pipila nila ka mga naaresto sa gilusad nga mga drug operation sa region 12 kung asa miikyas na ang mga suspek ngadto sa mga ubang lugar sama na lamang sa North Cotabato, Cotabato.
Apan misaad ang labaw sa PDEA 12 nga samtang siya ang labaw sa maong buhatan padayon niining gukdon ang mga tawong responsabli sa paglapulsot sa mga iligal nga kontrabandos sama na lamang sa shabu.
Giawhag usab niini ang mga katawhan ingon man ang mga Barangay Opisyal nga pakusgan pa ang kampaniya kontra iligal nga droga. (Emir Bariquit)
