General Santos City— Giangkon ni Police Senior Inspector Fernando Manuel Jr. hepe sa Police Station 7 nga naka-abot na kaniya ang sumala pa isyu sa gitawag ug bunal gang nga nagalihukan sa Brgy. Fatima ning dakbayan.
Sumala niya nga sa karon nagapa-abot pa sila ug formal complaint bahin sa maong kaso apan iyahang gibutyag nga nagdugang na sila ug mga tropa sa pagpahigayon ug patrolya hilabina panahon sa kagab-ihon aron mabatukan ang presensya sa gika-ingong bunal gang.
Dugang pa ni PSI Manuel nga sila sa Police Station 7 ang wala naga-tolerate ug susamang hinimuan bisan pa man ug ang tumong niini mao ang pagdisiplina sa mga batang latagaw gumikan usa kini ka paglapas sa tawhanong katungod.
Saysay pa niya nga iyaha ng ginapa-imbestigahan ang maong isyu aron nga masayran kung si kinsa ang nagpaluyo sa maong binuhatan.
Nanawagan man usba kini ngadto sa mga nahimong biktima nga magpatala sa ilahang buhatan aron nga mahimuan nila ug saktong aksyon ug mapatubag ang mga responsable.
