General Santos City–Buot karon ni Gensan City Kagawad Edmar Yumang nga pakasohan ug ipatanggal sa serbisyo ang mga pulis nga gikonsiderang mga “LuboG” O mga pulis nga wala naga-report sa ilang presinto inay nagahatag lang ug kwarta sa ilang opisyal aron nga mahimong excepted sa trabaho.
Sumala ni Kagawad Yumang nga ang maong gimbuhaton dili patas alang sa katawhan nga gabayad ug buhis aron lang i-sweldo sa mga pulis.
Una nang gibulgar ni Kagawad Jeng Gacal ug Kagawad Milleza ang impormasyon nga dunay mga “lubog” nga pulis sa Gensan PNP.
Dugang pamahayag ni Kagawad Ed Yumang nga ang Gensan nagkinahanglan ug kapulisan nga magbantay ug magprotekta batok sa mga krimen apan subo huna-hunaon nga dunay mga pulis ang wala nagahimo sa ilang trabaho.(Jordan Britos)
