BACOLOD CITY – Magapatigayon sang inspection kag assessment subong nga semana ang Bureau of Soils and Water Management-BSWM angot sa gina-hingyo nga cloud seeding sang Negros Occidental bangud man sa epekto sang El Niño phenomenon sa patag sang agrikultura.
Suno kay chief of operations sang Department of Agriculture-Region 6 – Rene Famoso nga lakip sa lantawon sang BSWM amo ang sitwasyon sang mga panganod sa Negros kag magpatigayon sang rekomendasyon kon sa diin pwede makapatigayon sang cloud seeding.
Dugang pa ni Famoso nga indi mahapos ang magpatigayon sang cloud seeding bangud kon ka-isa ginapalid sang hangin ang mga panganod kag may yara man sang okasyon nga sa iban nga lugar nagatupa ang ulan.
Dugang pa sini nga magluwas sa Negros, nagapangayo man sang cloud seeding ang probinsya sang Guimaras para sa ila nga plantasyon sang mangga.
Sa record sang DA-Region 6 ang LGU lang sa Negros Occidental nga naka-declare sang initial damage sa ila nga humayan amo ang banwa sang Cauayan nga naglab-ot sa kapin P6 milyones pesos.
