Ipahigayon sa Business Permit and Licensing Division ang Business One Stop Shop alang sa Basakan ug Upper Pulangi cluster.
Sa interview sa RMN Malaybalay ngadto kang Arturo Bebot Callao, ang city licensing officer sa Malaybalay gibutyag niini nga sa Enero 23 a hangtod 25 ang gitakda nga BOSS alang sa basakan cluster nga ipahigayon sa Managok Covered Court, Managok, Malaybalay City.
Matud ni Callao nga adunay BOSS usab silang nakatakda sa Upper Pulangi cluster sa umaabot nga Enero 29 hangtod Pebrero 1 ning tuiga nga ipahigayon sa Zamboanguita Barangay Hall.
Una nang gipahayag nii Callao nga magpadayon usab ang ilang pagpangdawat sa mga gustong mulukat sa permit sa City Hall hangtod Enero 31 ning tuiga.
Mahinumduman nga gipahayag usab niiini nga pwede ra usab muadto sa City hall ang mga negosyanteng maglukat ug permit bisan ug dili pa nila skedyul sa BOSS.
