Abli na karon ang pinakaunang animal shelter ning syudad nga mao ang ‘’ANIMAL RESCUE DE KAGAY-AN.”
Kini nga shelter nahimutang sa Barangay Bayanga nga nagtumong sa paghatag sa pinuy-anan ug pagpangga nga gikinahanglan sa mga walay tag-iya ug pinasagdang iro ning dakbayan.
Ang maong inisyatiba gihimo sa Network for Animals nga usa ka organisasyon sa non–profit nga nakabase sa UK uban nilang Dr. Medino Yebron, Dr. Jim ug Dr. Joy Borja ug pamilya, kinsa maoy tag-iya sa bahin sa yuta, Barangay Bayanga Council ug ni City Veterinarian Dr. Helen Ann Tacandong kauban sa CDO Animal Rescue Organization.
Nagdepende ang maong animal rescue sa donasyon nga ihatag kanila aron padayong makahatag og serbisyo.
Nagkinahanglan kini og bisan unsang tabang gikan sa nagkalain-laing grupo.
Particular nga gikinahanglan mao ang pagkaon sa iro, mga medical supplies, cctv ug water tank.
Alang sa buot nga mag-donate, mahimong mokontak kang Odena Afermador or Israel Emata sa cellphone number 0915-998-8880.
