Gitataw sa buhatan sa Cagayan de Oro City Treasurer nga walay gitakdang extension sa business permit renewal karong panahona.
Matud ni Ms. Divina Dablio, ang Acting Assistant City Treasurer for Administration nga ilang gihangyo kadtong 27-mil nga mga negosyante sa syudad nga dili na unta hulaton nga molapas pa ang deadline sa renewal karong Enero 20 aron malikayan ang multa.
Dugang pa nga adunay ipahamtang nga 25% surcharge ug 2% penalty matag bulan ngadto sa mga late fillers o kadtong napakyas sa pag renew human sa deadline.
Nasayran nga abri usab ang Business One Stop Shop sa City hall, sugod alas otso sa buntag hangtud alas siyete sa gabie, gikan Lunes hangtud Biyernes ug nag-operate gihapon kini bisan sa adlawng Sabado ug Dominggo, gikan alas otso sa buntag hangtud alas singko sa hapon.
Nagbutang usab ang kagamhanan sa syudad og satellite business registration center sa SM downtown Premier ug SM City Uptown aron mas komportable ug hapsay ang paglukat sa business permit.
