Nagbaton na karon sa kabalaka ang Business sector sa ilang seguridad sa Cagayan de Oro.
Kini tungod sa sunod-sunod nga pagpamusil sa riding in tandem nga mga suspects sa shooting incident nga nag-resulta sa pagkamatay ni Joelito Talaid, ang former Mayor sa lungsod sa Kadingilan Bukidnon, developer and owner sa West Fatima subdivision sa Barangay Pagatpat ning syudad.
Si Talaid, mao ang ikatulong biktima sa shooting incident sa riding in tandem ning syudad sukad niadtong Disyembre 20 nga unang gipusil sa riding in tandem si Supt. Michael Jhon Deloso ug gisundan sa usa ka barangay official sa barangay 3 ning syudad.
Matud ni Councilor George Goking, nga Chairman sa Committee on Trade and Commerce sa City council sa Enero sunod tuig iyang ipatawag sa iyang committee si City Director Senior Supt. Nelson Aganon aron mohatag sa iyang katin-awan sa peace and order situation sa Cagayan de Oro.
Matud ni Goking nga lakip sa iyang ipatawag ang mga leader sa lain laing nga business sector ning syudad.
Gipasabot ni Goking nga gusto masayod ang mga negosyante sa peace and order situation sa Cagayan de Oro ubos sa liderato ni Aganon.
Lakip si Goking nakapangutana sa iyang kaugalingon ngano nga nagsunod sunod ang riding in tandem cases ning syudad nga unta wala man magkulang ang administrasyon ni Mayor Oscar Moreno sa paghatag suporta sa kapolisan.
“Naghatag na tag mga sakyanan sa police lakip 15 ka book nga high power motorcycle aron ilang magamit sa ilang peace and order campaign” matud ni Goking.
Matud ni Goking nga sa ilang budget deliberation niadtong bulan sa Nobyembre ila nang gi-approve sa Committee as a whole ang 1 million pesos aid sa Cagayan de Oro City Police Office kon COCPO alang sa ilang gasto sa gasolina.
Gibutayg ni Goking nga kini ang rason kon ngano nga ilang gusto masayran gikan ni Aganon ngano nga nalusotan ang ilang peace and order campaign sa COCPO sa armadong mga tawo nga nagsakayan sa motorsiklo ug ilang gipusil ang mga biktima.
Apan sa sa pikas nga bahin.
Gihatagan ni Goking sa 9.5 nga grado ang COCPO sa ilang pagbantay sa milabayng pasko nga nagmalinawon ang Cagayan de Oro ug walay Christmas related incidents sama sa nabuthan sa firecrackers ug walay naigo sa saag nga bala.
