Magasapol bwas nga adlaw si Councilor Renecito Novero sa mga business groups sa Bacolod agud diskusyunan kun paano makabulig ang mga ini sa vaccination program sang ciudad kontra coronavirus.
Mismo si Councilor Novero ang nagapanawagan sa business sector nga magbulig sa vaccination program sang ciudad.
Nahibaluan nga may P300 million na nga ginpain ang city government para sa pagbakal sang bakuna sang AstraZeneca. Angut diri, ginpahayag ni Dr. Chris Sorongon, deputy for medical sang Emergency Operations Center (EOC) nga ginadiskusyunan na karun ang pag-prioritize sa mga dapat nga una bakunahan, storage facilities, vaccination center kag information drive.
Suno pa kay Dr. Sorongon, inisyal lang nga nga pondo ang P300 million kag nagapangita pa ang ciudad sang iban pa gid nga pharmaceutical companies nga makasuplay sang COVID-19 vaccine.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
