Madugangan na usab ang transportasyon sa dakbayan sa Butuan tungod kay karong adlaw’ng Sabado, Nobyembre 16, 2019 pormal nga i-launch ang serbisyo sa mga Taxi pinaagi sa Balangay Transport Services Cooperative (BALTRANSCO).
Gipasabot ni Juanito Ubas, Chairman sa BALTRANSCO nga adunay 13 ka mga unit sa Taxi ang initial nga magdagan dinhi sa syudad sa Butuan samtang lauman nga sa dili madugay makumpleto na unya ang 50 ka slots subay sa gihatag nga pagtugot Land Transportation Franchising and Regulatory Board (LTFRB) Caraga.
Human sa launching, magsugod na gilayon sa pagpamasad ang 13 ka mga taxi diin diha sa Garage ang ilang waiting area samtang giproseso na nila nga makasulod sa Butuan Airport ug mga Hotels.
Pinaagi sa metrohan ang pamasahe sa taxi diin magsugod sa P40 ang minimum flag down rate ug magdugang ug P13 sa matag kilometro samtang magdugang ug 2.50 sa matag minuto nga pagkalangay sa byahe.
Gilantaw nga ang pagbaton ug Taxi dinhi sa dakbayan sa Butua maoy timaan sa padayong paglambo ning syudad.
[image: balangay taxi.jpg]
