BACOLOD CITY – Kanselado ang byahe sang tanan nga fastcraft, RO-RO kag mga sakayan dagat diri sa ciudad sang Bacolod kag kabug-usan nga bahin sang Negros Occidental bangud kay Bagyo Urduja.
Sa interview sang DYHB kay Bacolod Philippine Cost Guard Commander Lt. Senior Grade Jimmy Oliver Vingno nga bangud ginpaidalum na sa Signal No. 1 ang Negros Occidental, automatic nga wala na gina allow ang mga barko nga maka biyahe.
Ang cancellation nag-epekto las 6 kaina sang aga kag maga resume gid lamang kon may aviso na base sa latest nga weather bulletin.
Suno kay Vingno nga ang madamo nga pasahero nga nagpadulong pa sa mga pantalan sini nga aga ang ginpapauli na gid lamang ang ginhambalan nga padayon lang mga mag-monitor sa weather update sang PAG-ASA.
Sa Severe Weather Bulletin No. 22 sang Pag-asa ginpaidalom sa Storm Signal No. 2 ang Sorsogon, Masbate, Northern Samar, Eastern Samar, Samar, Biliran kag Leyte. Storm Signal No. 1 naman ang Southern Quezon, Marinduque, Romblon, Catanduanes, Camarines Norte, Camarines Sur and Albay, Southern Leyte, Cebu, Capiz, Aklan, Iloilo, Guimaras, Negros Occidental, Northern Negros Oriental kag Northern Bohol.
Ang masunod nga weather bulletin ang ipaguwa sang Pag-asa las 11 subong nga udto.
