BACOLOD CITY, NEGROS OCCIDENTAL – Ginmandu na sang hepe sang Bacolod Philippine Coast Guard chief, Lt. Comander Ludovico Librilla Jr. ang pag resume ang biyahe sa fast craft, roro kag mga sakayan dagat sumugod las 8 sini nga aga.
Ini matapos nga ginlift ukon ginbatak na sang PAG-ASA ang typhoon signal sa pungsod kasunod nga nangin isa na gid lamang ka low pressure area ang bagyo nga si Usman.
Suno kay Librilla nga gilayon siya nga nag coordinate sa mga station commander sang PCG sa mga pwerto agud pahanugutan na ang pag-resume sang pagbiyahe sang mga barko.
Sa karon pwede na nga makapauli ang mga na-stranded nga mga pasahero ilabi na sa BREDCO Port, sa Banago Pier kag sa iban pa nga mga pwerto sa Negros kaangay sang San Carlos, Cadiz, Pulupandan, Valladolid kag iban pa.
Angut sini, may reminder lang ang hepe sang Coast Guard sa tanan nga pasahero nga indi lang madinaguso kag ipasiguro ang ila safety tubtub nga ini sila ang makapauli na sa ila tagsa ka destinasyon./dyHB BACOLOD
