Midawat ug financial assistance ingun man scholarship grant gikan sa Civil Service Commission (CSC) Caraga ang pamilya sa napatay nga pulis nga si P/CMSgt. Reil Morgado, atol sa flag raising ceremony sulod sa Camp Rafael Rodriguez sa Police Regional Office 13 kagahapong adlawa.
Mismo si Atty. Annabelle Rosell, regional director sa CSC Caraga ang nangunay sa pagtunol sa benepisyo ngadto ni Mrs. Ivy Morgado, ang byuda sa napatay nga pulis.
Pinaagi sa programang ‘Pamanang Lingkod Bayani’ sa CSC, ilang tagaan ug pag-ila ang tanang mga empleyado sa goberno kinsa nagbuhis ug kinabuhi ug nagpakabayani sa ilang gipanumpaang trabaho.
Gawas sa salapi ug scholarship sa mga anak sa tanang mga tulunghaan nga membro sa Phil. Association of State Universities and Colleges, midawat usab si Mrs. Morgado ug posthumous award isip pag-ila sa iyang bana.
Madumduman nga niadtong Disyembre 13, 2018, gipatay si P/CMSgt. Morgado sa 10 ka mga membro sa New Peoples’ Army (NPA) sulod sa iyang panimalay sa lungsod sa Santiago, Agusan del Norte.
[image: morgado.jpg]
