Giakusahan ni Konsehal Teodulfo Lao Jr. nga kulang sa financial capacity ang Cagayan de Oro Water District o C-O-W-D.
Kini ang hinungdan kon ngano nga nagkulang sa supply sa tubig ang syudad sa Cagayan de Oro.
Matud ni Lao nga tungod kay walay igong capital ang C-O-W-D nga ma-oy hinungdan nga dili kaya niini ang pagtukod sa water treatment plant sama sa planta sa Rio Verde Consortium sa Barangay Pualas, Baungon, Bukdinon.
Gibutyag ni Lao nga kini ang rason nga ilang gi-insister ni Councilor Enrico Salcedo ug Reuben Daba nga mosulod ang mga Cooperative sa Region 10 aron mag-supply sa tubig sa Cagayan de Oro.
Gi-angkon usab ni C-O-W-D Board Chairman Eduardo Montalban nga kulang sa financial Capacity ang C-O-W-D.
Matud ni Montalban nga dili kaya sa C-O-W-D ang pagtukod sa water treatment Plant sama sa planta sa rio verde nga gipanag-iya ni Palawan Governor Pepito Alvares nga naa sa Barangay Pualas, Baungon Bukidnon.
Gidugang ni Montalban nga kini ang hinungdan nga bukas ang Management sa Water District nga modawat sa mga proposal niadtong mga kompaniya ug mga kooperatiba nga gusto mosupply sa bulk water sa C-O-W-D.
