Ya tene que entera ya lang conel un cadaver sin cabesa y sin braso na Patalon despues con este encuntra ta man lutao na mar del San Ramon, Talisayan del Biernes.
Asegun con el report del Labuan Police Station, maga miembros del Philippine Coast Guard amo el ya encontra con el cadaver serca man alas 12 del mediodia y ya lleva con este na Patalon.
Durante el imbestigacion del pulis ta aparese ta desbruna ya el cadaver y perdido el deste cabesa y esquierda braso ta indica que ya tarda ya este muerto y ta man lutao na mar.
El persona ta bisti berde short pant y negro camisa sin pertinente documneto que puede habla su nombra.
Ta precura ahora sabe el maga pulis si quien el victima, de donde y cosa causa del su muerte.
Facebook Comments
