Dead on arrival sa balay tambalan ang usa ka biktima human kini nagkasungag ang gisakyang motorsiklo sa biktima nga Honda XRM 125 kolor blue ngadto sa usa ka Isuzu Elf.
Nahitabo kini didto sa may National Highway Brgy. Tinglan, Mutia, ZDN sa miaging adlaw Dec. 30, 2018.
Ang biktima mao si Louie Guia, 47 anyos, usa ka CAFGU ilawom sa 5th IB PA, residente sa Brgy. Buenasuerte, Mutia, ZDN.
Nagbyahe kini siya gikan sa Barangay Buenasuerte, padulong sa dakbayan sa Dapitan aron mo duty sa iyang trabaho isip CAFGU nga naka base sa brgy. Taguilon, Dapitan City apan paghidangata niini sa lugar nahitaboan aksidente nga nagbangga ang motor nga iyang gimaneho u gang Maroon nga Isuzu Elf ginag-iyahan ug gimaneho ni Allan Hope Mutia usa ka magtutudlo nga taga Barangay Pob. North, Piñan.
Human sa maong panghitabo gidali pagdala ang biktima sa balay tambalanan sa Dapitan apan gikutloan ra usab kini sa iyang hinulamang kinabuhi tungod sagrabeng bali nga naangkon sa iyang lawas.
Ang drayber sa Elf, boluntrayo kining mitahan sa buhatan sa kapulisan sa Mutia aron panubagan ang iyang nahimo nga salaod.
Sa maong adlaw nagkasabot ra usab ang pamilya sa biktima ug sa drayber sa Elf nga si Allan Hope nga mag amicable.
Matod pa nio PO3 James Racaza ang imbitigador sa maong kaso, atubangan mismo ni Atty Emil Awit nagpirmahanay nga mo bayad nalang sa nahimong danyos si Allan Mutia sa kantidad nga P30mil.
Samtang kagahapong adlawa gi release na usab ang ilang mga sakyanan gikan sa buhatan sa kapulisan sa lungsod sa Mutia.
