Laing award na usab ang nadawat sa Cagayan de Oro City human nakuha ang ikaduhang pwesto sa Best in Customer Empowerment Award.
Ang maong award gidawat ni Cagayan de Oro Acting City Administrator Teddy Sabuga-a, Jr. kagabie didto sa kaulohan.
Nasayran nga nahimong awardee ang syudad tungod sa gipatumang Persons With Disability o PWD ID Online Application nga naghatag kasayon sa mga PWDs sa pagkuha sa ID nga ilang magamit aron maka-avail sa discount nga ginahatag alang kanila.
Mahinumduman nga niadtong Huwebes sa gabie, gidawat usab sa syudad ang Galing Pook Award pinaagi ni Mayor Oscar Moreno ug uban pang mga opisyal sa syudad.
Facebook Comments
