DAKO ang pasalamat sa Cagayan de oro amateur boxing team sa suporta sa kagamhanan sa dakbayan sa pagpanguna ni Mayor Oscar Moreno human sila nahimong overall champion sa boxing category sa gipahigayon nga palarong pambansa didto sa Vigasn, ilocos sur.
Ang Cagayan de oro amateur boxing team mihakot sa unom ka medalyang bulawan gikan sa napulo ka katgeroriya.
Gawas sa medalyang bulawan mihakot usab ang Cagayan de oro sa duha ka medalyang bronse.
Maoy mga gold medalist sila Jericho Acaylar; Mark Lester Durens; John Erl Palovino; Joshua Jan Odvina; Dave Bryan Caspe ug Wesley Caga, samtang ang duha ka bronze medalist mao sila Kim Bryan Cabrillos ug Sonny Dave Vidal.
Ang Cagayan de oro amateur boxing team gipangunahan ni Elmer Pamisa nga maoy coach ug kanhi Asean games gold medalist sa dulang boxing.
