Andam tubagon ni Mayor Oscar Moreno ang laing reklamo nga William Guiallani batok kaniya kalabot sa 8 ka mga checkee nga mikabat sa 79 million pesos, nga gi isyu niadtong January 5, 2015 hangtod November 11, 2015, ubos sa pangalan ni Mayor Oscar Moreno.
Matud ni Mayor Oscar Moreno, nga ang reklamo ni Guiallani, ang parte sa audit observation memorandum sa Commission on Audit kung asa atol sa exit conference, na resolve na maong kaso.
Apan nagtuo si Mr. William Guiallani nga wala pa kini mahuman hinungdan nga iyang pangitaan og bikil si Mayor Moreno ug mi resulta sa pagpadala og sulat ngadto sa Office of the President.
Matud ni Mayor Moreno, nga ang maong kaso, subject for Notice of Suspension, ug Notice of Disallowance, apan dihang natigayon ang maong pagsusi dali ra kining na resolve.
Gitawag usab ni Mayor Moreno, nga dogs of war ni former Mayor Dongkoy Emano silang Clemente Atoc ug William Guiallani.
Nagtuo si Mayor Moreno, nga buot makig amigo si Guiallani ngadto kang former Mayor Dongkoy Emano, human kini nagkabikil gumikan sa kontrata nga gisudlan sa usa ka negosyante nga si Jacky Ching, kung asa fixer niini mao si William Guiallani, apan nasuta nga barato ug alkansi ang syudad.
