Gipalabang sa konseho ning syudad ang ordinansa nga naghatag og katungod ni City Mayor Oscar Moreno sa pagpirma sa Memorandum of Agreement kon MOA tali sa Social Security System o SSS.
Kini naglangkob sa pagpatuman sa SSS Expanded Self- Employed Program Coverage.
Ang maong programa alang sa mga kontraktuwal ug job order sa kagamhanan sa syudad, pinasubay sa Memorandum Circular no. 2014-83 sa Department of Interior and Local Government kon DILG.
Nasayran nga dako kini og kalamboan sa kasamtangang administrasyun tungod kay maghatag kini og dugang kapasiguraduhan sa mga dili permanenteng kawani sa cityhall.
Ubos sa MOA, ang city hall magsiguro nga masakop sa SSS ang mga contractual ug job order personnel nga dili sakop sa GSIS, pinaagi sa pagrehistro niini isip self employed members.
by: RadyoMaN Mishelle Enloran
