Nadawat na sa kampo ni Cagayan de Oro City Mayor Oscar Moreno, ang Temporary Restraining Order, kon TRO gikan sa Court of Appeals.
Matud ni Atty. Dale Mordeno, ang Chief legal counsel ni Mayor Moreno nga dili balido ang unang nadawat nga dismissal order gikan sa DILG gumikan kay wala nahisubay sa balaod ang gihimo nga pag serve sa dismissal.
Matud ni Atty. Mordeno nga kinahanglan nga kang Mayor Moreno, ipadawat ang maong dismissal order ug dili sa iyang abugado.
Nasayran nga bandang alas 7:34 ang takna kagabie dihang gihatud sa CA ang iyang TRO ug gidawat ni City Administrator Dionne Gersana.
Gihatagan sa TRO ang 5 ka mga kaso nga gi-atubang ni Mayor Moreno, samtang kagahapong adlawa nagduso sa petition for certiorari ang kampo ni Mayor Moreno alang sa laing 11 ka mga kaso nga atubangon niini, may kalabutan sa lease agreement nga gisudlan niadtong gobernador pa kini sa Misamis Oriental.
