Naa na sa 88 porsyento ang budget nga nahatag alang sa Cagayan de Oro Civic Convention Center nga nahimutang sa Taguanao, Indahag human masuspenso ang pagpatukod niini niadtong tuig 2012.
Ang nasangpit nga proyekto dunay kinatibuk-ang budget nga mokabat sa 450 million pesos. Ning kasamtangan, naa na sa 56 porsyento ang pagkompleto sa maong convention.
Tungod niini, mapasalamaton si Mayor Oscar Moreno sa Department of Public Works and Highways o DPWH ug Tourism Infrastracture and Enterprise Zone Authority o TIEZA human mi-kooperar sa City government.
Ang maong building complex maka-akomodar sa kapin siyete mil ka mga tawo ug kini gilangkoban sa Main Building, CarPrak Building, Restawrant, Pavilion, Administrative Building, TIEZA Office Building, Power House, Sewage Treatment Plant Facility, Material Recovery Facility, Guard House ug Pump House.
Dinhi pwedeng ipahigayon ang nagkadaiyang aktibidad sama sa paugnat sa kusog, concert, convention, exhibit, seminar, conference ug trade shows.
