Mas daghan ang natalang recoveries sa Cagayan de Oro kagahapon kumpara sa natalang positive case sa COVID-19.
Matud ni Acting City Health Officer Dr. Lorraine Nery, pito ka mga local ug returning overseas Filipinos o ROFs ug locally stranded individuals o LSIs ang naka-recover sa maong virus ug giandam na ang ilang re-integration sa pamilya ug komunidad.
Usa ka APOR ang nadugang sa active cases sa syudad kagahapon busa naa na sa 122 ang cumulative cases sa COVID-19.
Sa karon naa sa 58 ang total recoveries ug 58 usab ang total active cases.
Tungod niini, dako ang pasalamat ni Mayor Oscar Moreno sa maong development ug naglaom nga daghan pang mga ROFs, LSIs ug mga nabiling local cases ang hingpit nang makabalik sa ilang maayong panlawas.
Facebook Comments
