*Suportado ni Cag. De Oro City 2nd District Cong. Maxi Rodriguez ang balaod, nga maghatag libreng tuition alang sa mga estudyante sa State Universities ug Colleges sa nasud.*
*Kini ang gipahayag sa nasangpit nga kongresista, kinsa miingon nga ila na kini karong problema ang pagpangita og pundo alang sa maong balaod.*
*Mahinumdoman, nga dili pa lamang dugay gipirmahan ni Pres. Rodrigo Duterte ang balaod kalabot niini sa tumong nga mahatagan sa kahigayonan, ang mga kabus nga estudyanteng makatungha ilabina kadtong adunay maayog salabotan. *
*Dugang pa ni Cong. Maxi, nga inclusive na alang sa maong tumong ang 100 bilyon pesos nga pundo nga maoy ilang pangitaon. *
*Gawas niini, wala usab silay pork barrel nga mga kongresista nga mahimong magamit alang sa pagpundo sa tuition sa mga State U ug Colleges.*
*Ang ila lamang nga kung adunay pangayuong proyekto ug programa ang mga kabarangayan, ila kining aplayan ug kung aprobahan makakuha sila og pundo.*
*By: Kasamang Ellah Baculio*
*tags: Mindanao, Cagayan de Oro, DXCC, DXCC 828, DXCC EXPRESS, Rmn ANNALIZA AMONTOS REYES, Rmn Cagayan de Oro *
