Cagayan de Oro Water District, nakig-coordinate sa B-F-P aron nga makahatag og supply sa tubig sa mga residente sa western area

Dako nga leakage ang nahitabo sa pipeline sa Rio Verde ning syudad hinungdan nga wala dayun kini makabalik og supply sa Cagayan de Oro Water District kon COWD sa volume ug pressure sa tubig.
Matud ni Jong Batar, ang Assistant General Manager for Admin Services sa COWD nga naggamit sa ilang emergency line ang Rio Verde ug ang pressure niini hinay ug dili makasaka sa mga elevated nga areas.
Dugang pa ni Batar nga human nila masayri nga wala makabalik ang supply sa Rio Verde, nakig-coordinate sila niini aron nga masayran ang problema.
Tungod niini, nakig-coordinate usab ang COWD sa Bureau of Fire Protection aron nga makahulam og tankers nga maoy mohatud sa supply sa tubig, sa mga residente sa Western area.
By: RadyoMaN Mishelle Enloran