Pwede magamit sang mga local government units ang ila nga calamity fund agud mabatu-an ang nagapadayon nga pagtaas sang kaso sang dengue sa probinsya sang Negros Occidental.
Ini suggestion sang Provincial Health Office angot sa deklarasyon sang Deparment of Health sang national dengue outbreak.
Suno kay provincial health officer Dr. Ernell Tumimbang, nga ang pila ka mga supplies kag logistics ang pwede ma-charged sa calamity fund.
Base sa latest nga record sang PHO, kapin sa 29 na ang napatay bangud sang dengue sda probinsya sang Negros Occidental.
PHILHEALTH COVERAGE
Nacover sang Philippine Health Insurance Corporation ukon PhilHealth sa rehiyon ang 8,005 ka mga pasyente sang dengue sugod Enero tubtob Hulyo subong nga tuig.
Ini sa tunga sang dengue outbreak nga gindeklarar sa rehiyon 6 magluwas lang sa probinsya sang Negros Occidental.
Suno kay Janimhe Jalbuna, head sang PhilHealth 6 Public Affairs Unit ini nagabalor sang P81 million.
May P10,000 nga package ang dengue sa idalum sang PhilHealth.
