Davao City -Mas gi-intensify sa Calinan Police Station (PS) ang kampanya kontra illegal nga droga sa area of responsibility (AOR) sa Calinan District ning syudad sa Davao.
Sa interbyu sa DXDC RMN Davao giingon ni Police Major Niel Vistar, Station Commander sa Calinan Police Station nga nagatutok usab ang kapulisan sa kampanya batok droga nga miresulta sa pagkasikop sa laing usa ka ombak driver nga giingong runner sa shabu nga si Elmer Villanosa Ramos, alias “Pre”, 28 anyos nga taga Purok 5, Brgy. Mandug kinsa nadakpan sa buy bust operation human napalitan og usa ka pakete nga shabu.
Segun ni Vistar, gawas sa gipakusgang kampanya kontra illegal drugs sa Calinan, hugtanon usab gipatuman ang liquor ban nga magsugod sa alas 12:00 sa gabii ug pagka ala 1:00 sirado na ang tanang bar ug establisemento ug gidili na ang pag-inom sa ilimnong makahubog sa pampublikong lugar.
RadyoMaN Don Pulayao
Facebook Comments
