Katakod kan pagpalawig kan implementasyon kan Enhanced Community Quarantine sa entirong Luzon, asin para sa kagianan kan gabos na miembros consumedores kang CASURECO 2 sa panahon nin krisis dulot kan Covid-19, an satuyang Kooperatiba mapautob kan “PANTAWID LIWANAG PROGRAM”.
Sa programa po na ini, an primerong 20kwh na konsumo nin kuryente sa bulan na Abril 2020 kan GABOS NA RESIDENTIAL CONSUMERS aasumiron kan satuyang kooperatiba. Boot sabihon, magkakaigwa po nin pag bawas sa saindong babayadan sa kuryente na katumbas kan 20kwh na konsumo asin ini mahihiling sa saindong mga power bills.
Huli po sa pagpapautob kan nasabing programa, ang mga nagkukunsumo nin 20kwh pababa mayu na po babayadan na konsumo sa kuryente para sa bulan na ABRIL 2020. An nasabing programa ipapautob po ngunyan na bulan nin ABRIL 2020 sana.
SALAMAT PO ASIN MAG INGAT KITA GABOS!
